TEXT
READER

Ang Zenpoin ay isang magarang tirahan ng mga pari at isa sa anim na "Bahay ng mga Dakilang Iskolar" na may kaugnayan sa Templo ng Miidera.
Ang dating maluwang na hardin ay nailathala sa Omi Yochishiryaku [Topograpiya ng Probinsya ng Omi] at ang librong paghahardin na Tsukiyama Niwa-zukuriden [Paggawa ng Landscape na Hardin], mga tanyag na aklat na isinulat sa panahon ng Edo. Ito ay itinalaga bilang isang Maganda at Makasaysayang Lugar noong 1934.
Ngunit dahil sa kalamidad na dulot ng malakas na ulan, ang hardin ay natabunan ng buhangin at lupa noong 1941 at hindi naibalik sa dating kagandahan. Gayunpaman, natagpuan ang isang mapa na may tunay na pagsukat na ginawa ng dalubhasa sa paghahalaman na si Shigemori Mirei, at dahil sa mga kamakailang paghuhukay ay nakumpirma ang hugis ng munting dugatan o pond at iba pang mga mahahalagang bahagi ng hardin at ang mga ito ay nasa maayos na kalagayan. Ang plano upang muling maibalik sa dating kagandahan ang hardin ay sinimulan noong 2017 at inaasahang matapos sa lalong madaling panahon.

“anim na "Bahay ng mga Dakilang Iskolar"”

Ang tawag sa monasteryo ng anim na prestihiyosong monghe sa Templo ng Miidera noong panahon ng Edo. Kabilang dito ang mga Templo ng Hosen-in, Kangaku-in, at Konjo-in na nasa timog na bahagi,ang mga Templo ng Nikko-in at Zenpo-in sa gitnang bahagi at Templo ng Kiken-in sa hilagang bahagi.

Omi Yochishiryaku

Isang kinatawang topograpiya na nagbubuod sa kalikasan at kasaysayan ng Probinsya ng Omi (na ngayon ay Shiga Prefecture) noong panahon ng Edo. Ito ay binubuo ng 101 volume sa 100 aklat, at inedit noong ika-19 na taon ng Kyoho (1733) ni Samukawa Tatsukiyo (1697-1739), isang pyudal na pinuno ng Zeze. Ito ay isang mahalagang batayang materyal para sa pag-aaral ng kasaysayan ng Shiga Prefecture.

Tsukiyama Niwa-zukuriden

Isang aklat ng paghahardin at paysahe na isinulat ni Kitamura Enkinsai noong ika-20 taon ng Kyoho (1735) at nailathala sa Kyoto. Binubuo ito ng tatlong volume. Ang aklat na ito ay sumikat at nag-ambag ng malaki sa paglaganap ng mga libangan sa paghahardin at paysahe. Naimpluwensyahan din nito ang paghahardin at paysahe sa panahon ng Meiji (1868–1912) pasulong.

“Shigemori Mirei”

Si Shigemori Mirei (1896–1975) ay isang arkitekto ng landscape o paysahe at tagapagsaliksik ng kasaysayan ng mga harding Hapon noong panahon ng Showa.

Maagang Panahon ng Edo